أقلام القراء

 أنا العاشق.. وأنا المفتون !!  (بقلم: أمل التابعي- مصر)

وآه يا كل الكون

أنا العاشق وأنا الدايب

وأنا المفتون

وأنا ال بهوى روحه

بقيت مجنون

وعاوز أطير

فى صبح وليل

وأقول عنه كما قالوا

على العاشقين

وعن دنيا الغرام

أحكى وأغنى لمين

ياحلم جميل

يطول الليل

لكن فيه نهارطالع

بيبعدنا عن امبارح

يخلى ال يفوت ذكرى

ونفضل فى الوجود

فكرة ونكتب كل ما فينا

فى شعر جميل

يا إحساسى

يا أغلى نعمه من ربى

أنا صادق فى كل مشاعرى

مش بكدب ولا بنافق

وبطول العمر

قلبى دليل

يا رقة يا أغنيه

يا لحن جميل

أنا بسمع وكل كيانى

بيدندن كما المواويل

تاخدنى روحى يا روحى

والاقى النبض فى جروحى

وفى النفس إشتياق جامح

أنا القاتل وأنا المقتول

وآه يا كلى من كلى

وجعنى وعشقه فيه ذلى

وأنا راضى

ومش ناكر غرامه ياليل

دعيت رب الوجود عنى

دعيت يا رب اه عنى

أنا حابب وجودى فيه

ومش قادر أكون غير ليه

وعن نبضى ومن دمى

أنا منه وآه منّي !!

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى