أدب وثقافة

الشاعر فهمي علي يكتب: ما اعرفش ليه طعم الحياة .. بقى كله خوف ومفيش أمان

ما اعرفش ليه طعم الحياة

بقى كله خوف ومفيش أمان

معجون بمُر مالوش حدود

و لا ساعة فيه تشبه زمان

مقفول علينا ف البيوت

ممنوع على الأهل الحضور

ريحة الأمل لا تحتمل

و الضلمة بالعة كل نور

حرمان غبي من كل شيء

حتى السلام أصبح حرام

و لا حُضن بين المشتاقين

و لا همس برقيق الكلام

جايز ذنوب بعض البشر

نادت على غضب الإله

جايز ما عودناش زينا

و صفانا مات و الخير معاه

يا رب ما نكون السبب

و لا حد عشنا بنعشقه

و لا لينا دخل بظلم ناس

و لا كذب روحنا نصدقه

عفوك يا رب الكون براح

دي الدنيا ضاقت ع العباد

افتح لنا باب رحمتك

و اجعل رضاك يملا البلاد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى