ما تسيب الباب بينّا موارب
وبلاش نتكلم ف مواجع
و تعالى وطبطب على روحي
مش فجأة تقول انا مش راجع
يا حبيبي مفيش غيرك ليا
و لا ليك ف الدنيا الا ما بينا
ارتاح على صدري من الدنيا
و تعالى نعيش أجمل جنة
أنا شايف فعلا أحلامي
كلها وياك نفسها تبقى
دا بعادك نار قاسية وجارحة
و انْ روحت بعيد عنك باشقى
و حياة الوعد اللي ما بينا
و الدنيا بفرحة محوطانا
و بروحك حاضنة شتات روحي
و جمال الكون كله معانا
مدي لى ايديكي و شديني
من موج الخوف اللي سارقني
ضميني .. خديني و خبيني
مع قلب عرفت انه عاشقني
){kind=link}
