بلاها كلمة كدّابة ما تشبهنيش
و حرف بييجي متعايق ما يعجبنيش
بلاها حكاية منظومة لناس مش ناس
بلاها دوشة نصابة آخرها مفيش
بلاها حاجات كتير دايرة تقول غزة
و غزة وسط موتنا حياة
بتتبرع لأمتنا بحبة دم على روحنا
و عشمانة ف فضل الله
عيالها كلهم شُهدا لا قالو تعبنا و زهقنا
و لا صرخوا ف يوم بـ الآه
و لا حتى البنات بِكيو ولمّو الشعر ورا روسهم و عاشو الخوف
بنات منهم جميع رجالة الأمة قصاد منهم ف بحر كسوف
عنيهم كلها ثورة على ظالم بروح حلّوف
يا شايف غزة و سامعها و عارف إنها كعبة
أمانة تاخدني من إيدي.
إلى بابها
ونتطهَّر هناك ونطوف
