أقلام القراء
غريبة حياتنا !! (بقلم: أمل التابعي- مصر)
غريبة حياتنا مش هيا
بقت مليانة بقسيّة
لا عاد فيها
قريب للروح
ولا بالصدفة حنية
وأنا عادي
أنا مسلّم واهي أيام
بتتعد وم العمر
تروح ما تعود
لاهي راجعة
ولا نافعة
تكوني يا نفس مرضية
وفين كنا وراحت
منا أيامنا
واي بيجرا
أنا فاكره
حكاوي كتير
حلمنا بها
وقولنا بكره تتحقق
وكنا نعد الوقت
ونقنع روحنا
ونصدق
بأن بكره تتعدل
وتتحول ليالي
العمر لسعادة
ما تتبدل
حلمنا.ضحكنا
وضحكت الأيام
وكانت في حلمها أصدق
بقينا غربه بوجودنا
حدود بينا ولا بأيدينا
نرجع لمة أحبابنا
خلاص ماشي يا أيامنا
خلاص راضيين
لكن حاولي
تيجي مره
بناس فاكرين
ناس لسه لمعني
الحب والعشرة
يكونوا عارفين
وأنا عادي
مكمل فيكي وأنا راضي
وارجع تاني م الأول
أقول بكره هتتعدل
مفيش باليد غير نصبر
ونرضي بغربه في بلادنا
وأولادنا تكون مع غربة
مع ناس تانيين
يا أرض بلادي إي زيّك
يا عشق القلب يا ساكنة
قلوب ملايين.
خلاص ودعنا أحلام
وشاخت فينا أحلامنا
ومن كتر ال جوانا
كبرنا سنين
غريبه حياتنا !!
