فيه ناس عاشقه الجعجعه
وخراب البلد دى عندهم عيد
عايزينا نعيد الفوضى تانى
ونقرب أعدائها من حلم بعيد
وكل بلطجى .. ولا حرامى
من دم عيالنا يستفيد
وتولع التجارب والحكمة بجاز
والجرح القديم يتفتح ويزيد
ونعالج الخراب بخراب
ونار الفتنة ف البلد دى تقيد
ونحرق إقسام .. وكنايس
ونفرح بصورة الأيد ف الأيد
عمر التغيير مايتحقق بفوضى
ولا م العقل نعلن التأييد
لدعوة مجنونه جربنا نارها
ورجعنا عملنا للفساد تجديد
ما البلد دى عمرها فقريه
ومبليه بفكر هش .. وبليد
وعلشان نقدر نكمل المرحلة
لازم نسمع لبعض بدون تعقيد
ونعدل شراع المركبه
بفكر يضمن شئ جديد
والتجارب علمتنا إن العناد
وقت الأزمات مش مفيد
