وبقينا أصحاب (بقلم: ندى الحناوي- مصر)

وبقينا أصحاب

من أول عيني ما جات في عينيك

وفتحنا الباب

والقلب اشتاق وسألني عليك

من غير أسباب

اتمنت إيدي تكون في إيديك

***

وبقينا أصحاب

والروح مابقتش تغيب في عتاب

ولا حتى تلوم

وبنرجع تاني انا وانت شباب

مواليد اليوم

ونطير ونحط بأعلى سحاب

ونروح في النوم

***

وبقينا اصحاب

الإيد في الإيد

ونزيد ونعيد

وقلوبنا تدوب

والشوق زغاريد

ولقانا العيد

من غير مواعيد

والهوى مكتوب