بكت البنية
ودموعها سالت
ع الطريق
بكت البنية
والقلب نابض
خوف بطئ
قالت خلاص
معدليش حد
صفيت أنا
وحيده بجد
بعدك يا مين
في الدنيا ديا
بكت البنية
وأثرت بكلامها فيا
إحساسي إني فقدت روح
غالية عليا وهى الحياة
والوجود بالنسبة ليا
بكت البنية قالت حببتي
أمي ونداية عليكي انتي
استنى حبة اديني جيه
خليكي اوعي تسبقي
جريي عليكي
واللهفة ديا
استنى يا أمي
قلبي طاير
والدمع كله ف عيني حاير
حتروح صحيح وتغيب حببتي
أهون عليها متقولش بنتي
اكيد يا أمي حاسة بيا
خليكي جنبي وحياة عنيا
اوعي تسبيني للدنيا ديا
بوجودك انتي
الكل كان
بعدك مليش
في الكون مكان
يا حضن قلبي
ويا دفايا م البرد انتي
انتى الحياة
وانتى الوجود
وانتى احساس الأمان
كل الأمل ويا الزمان
انتى حببتي
استنى اوعي ترحلي
خد حضن قلبي واهجري
ضميني فيكي وطبطبي
متفكريش لما تسيبني
أعيش أنا ده الموت حنان
