أقلام القراء

الزمن التعيس !! (كلمات: رفعت أبوالعلا- مصر)

بيقولوا الجعان بيحلم بسوق العيش

وكل أمله …… بس انه يقدر يعيش ..

وتلف بينا دايرة الزمن التعيس …

ونمشي من خوفنا ورا الترابيس …

على طرف صوابعنا .. نحس حسيس

وفي آخر المشوار .. نقفل علينا باب الدار

ونودّع ف السر … آخر ضحكه للنهار …

بعد م قفلت ابوابها … كل السكك البريئة

واندفنت تحتها كل أسرار الحقيقه ……

وم يفضلش باين غير عيون ورا الشبابيك

تبرّق من الخوف وتستنجد بيّا ، وبيك ..

وتسأل ليالي الجوع القادم بلا رحمه ….

والقلب اللي موجوع ودموع هنا زحمه ..

هوه ليه بكره حالف ل اوريكو الويل …

وكل يوم قادم .. صادم يهد الحيل ؟

و كل الحلم انحصر … ألاقى كل يوم لقمه

ويسكت نعيق البوم اللي جايب لنا نقمه ..

وبيلف حوالين الرقاب … ويشد حبال العذاب

ياللي عايشين … ح اخلي عيشيتكوا هباب

مش انتوا اللي رقصتوا واتعريتوا في الميادين

مش انتوا اللي نمتوا وقلتوا احنا كده راضيين ؟

يبقى دلوقتي لازم تعيشوا كما الدراويش ….

وأقصى حلمكم … يبقى ( ألاقي لقمة عيش )

وعجـبي

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى