عن الدموع
جفت خلاص
مبقتش تنزل
رغم الإحساس
وجع الوجع
موتنى فيه
وقتلني جرحي
إللي مداريه
وعن الدموع
مدفونة زيّي
فى تابوت
مش رافضة
أموت
أنا رافضة
غدر اللي ظلم
أنا رافضة
دُنيا من عدم
رافضة الألم
وعن الدموع
ناشفة العيون
رغم الألم
رغم الظنون
مين السبب
مين ال خاين
وليه يخون
آه يا ولادى
يا قلبي آه
حرام كده
تكون الحياة
أنا جبت إبني
للوجود
وف لحظة
راح منِّي وآه
وبيسألوا
فين الدموع
جفّ يا ناس
بحر الدموع
وآه يا عيني
وألف آه
وف كل مرة
بيتقل جوايا
شيء وبتقى
فيه بس آه
مالية وجودي
والحياة
وعن الدموع
بيسألوا
مفيش بُكا
حتى الكلام
جوايا مخروص
م الألم
يا دمي
ليه جوايا نار
تكوى ضلوعي
وف كل ليل
إسود دمار
ونهاره طالع
بالدمار
رماده عشش
فى العدم
وبقيت عدم
وبيسألوا
فين الدموع ؟
___________________
بقلم: أمل التابعي- مصر
