بوفاة الفنان سمير غانم رحمة الله عليه أثار انتباهي ردود أفعال النشطاء علي مواقع التواصل الاجتماعي (الفيس بوك)، وتعليقاتهم التي قرأتها باندهاش وأستغراب شديد!
في كل بيت تقريبا تعرض لـ فقد عزيز لديه ولكن عندما يحدث تجربه فقد جديده امامك وتشاهدها، تتأثر وبدون ان تعي او تشعر تعمل اسقاط لحالتك بمقارنة داخليه في صمت، بمجرد تصفحك لـ صور دنيا وإيمي سمير غانم كلنا رأينا فيهم أنفسنا وبناتنا، وأخواتنا، وصور رامي رضوان وحسن الرداد أزواج البنات لكن بعض البنات والسيدات وهما بيعملو إسقاط للصور على حياتهم عكسوا تجارب مؤلمة جدا عن مخلوقات مؤذية عدت في حياتهم اعتقدوا أنهم رجال.. الستات دى تجاربهم المأساوية خلتهم شافوا ان الواجب والطبيعي المفروض وصفوه بعمل بطولي ! وأطلقوا دعوات عجيبة بقصة اتجوزي اللى يقف في جنازة أبوك.
وقفت عند هذه التعليقات وشعرت بالاشفاق الشديد على البنات والسيدات اصحاب التعليقات دى وجود شخصيات سيئة فى حياتهم جعلتهم يروا العادى عمل بطولى ويتحسرو على انفسهم هذا ليس عمل بطولي احباتي وقوف الزوج فى جنازة حماه دا العادى والعادى جدا عند ولاد الناس المتربين اولاد الأصول وان المفروض يحصل من ولاد الناس تحت اي اسباب حتى لو كانوا منفصلين وانقطعت العلاقات وحصل ظرف زى دا الطبيعي يقف معاها بردو ويقف فى الجنازة لانه دخل البيت دا وكل فيه عيش وملح وفي المقام الأول هم أهل لأولاده. ولكن إذا حدث عكس ذلك هو ما يسمي بأستثناء الشاذ.
ولكن للأسف الشديد السوشيال ميديا زى البحر بترمى على الشط بعض المخلفات فتبدوا كانها العادى الغالب فى الرجال الاصل والتربية وانهم ولاد أصول ومتربي علي قيم وعادات في مجتمع شرقي يحافظ وينمي تللك العادات لانها طبيعيه ،لكن لو حدث عكس ذلك فهي غلطة اختيار مش طبيعة الحال ولكن ما لفت انتباهي للمره الثانيه هو هشتاج استفزني جداً “اتجوزى اللى يقف فى جنازة ابوكى ؟
هو ليه مبدأ الاعتماد علي الغير دايما في الأسبقية عايزة توصلى لدراعك دراع !! الكل معرض للفقد وفراق عزيز مثل الأب، الام لأنه قضاء الله وقدره .. لو حدث ذلك اقفى خدى عزاه علشان انتى جدعه وبنت ابوكى لم ينقصك شيء. اما انك تختاري زوج يصلح لزواج فالاسباب تانيه ومهمه غير العزاء ،اتجوزى اللى يحترمك ويحبك ويكملك ويعتبرك شريكه ويدعم نجاحك يكون جسر وأمان وسند، ودي اسباب اهم للأختيار .
لما تدوروا دوروا على حد يحترم وجودكم وكيانكم و شغلهم ونجاحهم ويراعي ربنا في الحياة بنكم لانها شراكه مش اعتماده طرف علي طرف اخر اما موضوع الجنازات دا ،، حضرتك لا ناقصة ايد ولا رجل تقدرى تقفى فى جنازة ابوكى زى البنات الجدعة اللي بميت راجل، لما هتشوفى نفسك انسانه كاملة مش هتحتاجى حد يكملك .. هتقفى بنفسك تاخدى عزاء ابوكى ولو وقف جوزك دا لان دا العادى لولاد الاصول المتربين المحترمين . اما موضوع اختيار الزوج دا فأساسه زوج متربى ابن ناس يحترمك ،وساعتها هيقف معاكى لما تحتاجيه ،، وتقفى معاه لما يحتاجك.
