غريبة حياتنا مش هيا
بقت مليانة بقسية
لا عاد فيها
قريب للروح
ولا بالصدفة حنيه
وأنا عادي
أنا مسلم واهي أيام
بتتعد وم العمر
تروح ما تعود
لاهي راجعة
ولا نافعة
تكوني يا نفس مرضية
وفين كنا وراحت
منا أيامنا
وإي بيجرا
أنا فاكرة
حكاوي كتير
حلمنابها
وقولنا بكره تتحقق
وكنا نعد الوقت
ونقنع روحنا
ونصدق
بإنها بكره تتعدل
وتتحول ليالي
العمر لسعادة
ما تتبدل
حلمنا.. ضحكنا
وضحكت الأيام
وكانت في حلمها أصدق
بقينا غربة بوجودنا
حدود بينا ولا بإيدينا
نرجع لمة أحبابنا
خلاص ماشي يا أيامنا
خلاص راضيين
لكن حاولي
تيجي مرة
بناس فاكرين
ناس لسه لمعنى
الحب والعشرة
يكونوا عارفين
وأنا عادي
مكمل فيكي وأنا راضي
وارجع تاني م الأول
أقول بكره هتتعدل
مفيش باليد غير نصبر
ونرضى بغربة في بلادنا
وأولادنا تكون مع غربة
مع ناس تانيين
يا أرض بلادي إي زيك
يا عشق القلب يا ساكنة
قلوب ملايين..
خلاص ودعنا أحلام
وشاخت فينا أحلامنا
ومن كتر اللي جوانا
كبرنا سنين !!
