أصعب دموع !! (بقلم: أمل التابعي- مصر)

وأصعب دموع

دموع باتت هنا ف قلبي

وعاشت ساكنة جوايا

منين ما بروح

يكون الدمع متخبي

ليشمت حد يا امايا

وأبان واقف ..

وصخر جبال بيتحمل

وأبان عارف..

وأنا ولا داري إيه بعمل

وأبان حيران..

يقولوا ف خير..

بيتامل..

واداري حزني جوايا

واخبي عن أعز الناس

وأكبر يكتروا عدايا

مع إني..

ولا قادر ولا حاجة

وويا جروحي مستني

يا ليل بكرة يطمني

وبحلم وحلمي بعيد

بعيد عني..

إلهي..

ولو كل الوجود سابني

وعني اتخلي أحبابي

باقي حبك حياه لقلبي

ونبضه دعا إليك وحدك

بحق إيماني تنصرني

إلهي..

يا رب الكون

 مليش غيرك

معاك باقي

على عهدي

ياااااااااا رب