القلب شاب
من أحزانه
ضباب سراب
عاش أيامه
القلب شاب
قبل الجسد
والروح سراب
وبتتحسد
وانا اليتيم
ال اتولد
في دنيا
خالية
من السند
أبويا راح
ساب لي
الجراح
ساب
م القرايب
عدو وعدد
الكل عينه
على ال تركه
تركه ولكن
نسيوا ولده
وقالوا عنه
ده ياما سايب
مشافوش
دموع
مشافوش
عذاب
مشافوش
جراح
ولا حسوا مرة
بقلب من ناره
ما خلي
ولا سمعوا
دعوة
يارب
يداريني
التراب
دول بس شافوا
الوقفة قوة
والكلمة حكمة
وقالوا
سايب
عقول من دهب
غيره وحسد
وليه العجب
ما ده شيء
طبيعي
وانا دمعي
مداري
في ملامحي
لا راضي
ينزل
ولا سابني
جرحي
وكبرنا والأيام
كتير
عدت علينا
فيها ال باقي
و ال ترك
ابويا قالها زمان
وراح.
مفيش أمان
غير لما تقدر
تشد عودك
وتكون كبير
أوعى تبان ضعيف
في يوم
لأول الشمتان
قريب
والله عمره
ما قال غلط
وبعد عمر من الزمن
وبعد ما شوفنا محن
وقفنا صالبين العيدان
وساعتها بس الكل بان
القوه دايمااا تتطلب
ميعرفوش أن الفؤاد
خلاص تعب
وانه حقيقة
والله شاب قبل
الجسد
والله يا قلبي
لتقدر
عافر وكمل
خليك برغم
الشيب عفي
وبنفسك
انت تكتفي
ويارب
في يوم ما اختفي
برده يقولوا
ده كان قوي
ولا هزه ريح
ولا اتحوج
ما انا كان معايا
أعظم سند
رب العباد
ال عليه
قلبي اعتمد
