شهور وسنين (الشاعر فهمي علي- مصر)

و شوفت كتير

و خليت الوجع يسكت و يبقى أسير

ناديت ع الشمس جاوبتني و قالت خير

فخبيت القمر منها

و توهت الأمل ف سكوت

عشان تفضل كدا تدور

و تفضل زيي من غير صوت

و فجأة توهت عن ذاتي

و ما اعرف فين

ف طالت غربتي عني

شهور و سنين

لا عارف سكتي و راجع

و لا راضي و لا مرتاح

فمين جواه صفا لسه

و مش تايه و لا سواح

و عنده الوقت يساعدني

يوصلني لباب ذاتي

يصالحني على نفسي

و أعود من تاني لحياتي