أقلام القراء

لعبة المتاهات (بقلم: أمل التابعي- مصر)

يا لعبة المتاهات

يا غريبة يا حياتنا

كل ال قولنا فات

بنقابله في حياتنا

لو صفحة مقفولة

مفتوحة في الحكايات

من سن سنة أولى

وأنا فاكر اني شاطر

مغلطش في الحسابات

أتاريها ناويالنا

الدنيا تندهنا

نداهة تسحرنا وبصوتها

تجذبنا للعبة المتاهات

نبدأ طريق نلقاه

نفس الطريق نهيناه

وإن شكله يخدعنا

وكأنه لسة جديد

نلقاه يودعنا

بالجرح والتنهيد

دى متاهة دى ولا

دنيا وبنعيشها

وحكاية تتكرر

فى جميع الإتجاهات

أنا يزيد عمرى ولا

تزيدنى هموم

ياأحبابى يا أملى

فى بكرة بستناه

خوفى على قلوبكم

من لعبة تخدعكم

تاخدكوا بالفرحة

تلاقوها يوم جارحة

ترميكوا فى متاهة

وتلعبوا معاها

يا اخوات متفرقين

يا قربة ومغربين

يا اهل ومبعدين

وارواح بتتلاقى

متضيعوش روحكم

وتخسروا فيها

دنيا بتخدعكم

وتلاعبوا يها

يا حضن احبابى

ليه نسيوا اعتابى

دقة على بابى

ده النبض كله آهات

يمكن فى احضانكم

تترد لى روحى

وافوق من اللعبة

قبل الاوان ما يفوت

واكون بعيد ذكرى

تيجى على بالكم

فى لحظة فى فكرة

والى بينى وبينكم

لعبة نكملها نقطع

لها مسافات

فى لعبة المتاهات

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى