ساعات ترعد
ساعات تبرق
ساعات تصفى
ساعات وساعات
بتشبهنى ف حالاتى كتير
ف لحظة بكون فيها عاقل
وأنا ف لحظة بكون مجنون
وأعيش بين المنون والكون
تاخدنى ظنون وتحدفنى
ف طريق مركون
لكنى بعيش وبتحمّل
أشوف الناس وأحوالها وبتأمل
وأعيش اللحظة من عمرى كأنها دهر
وأشوف القهر أدامى
وبتمنى ألاقى .. الصبر
وأعيش لما أشوف النصر
وأعيش لما أشوف الفرحة ف عيون مصر
هعيش لما أشوف بكرة
وأعيش لما أكون بقى حر
مسير الدنيا تتقلب كمان مرة
مسير الحب يعرفنى وأنا عايش
وتتفك القيود و الأسر
