مواقع التواصل

وعلى دنيانا بتفرج !! (بقلم: أمل التابعي- مصر)

وعلى دنيانا بتفرج

كأني غريب عايش وحدي

في ناس من بره بتهرج

وجوه جرحها يشكي

وضحكة وش مرسومة

تداري الحزن لا يخرج

نخاف حسادنا يلومونا

وعلي أحزانا تتفرج

و تسكت آهة مخنوقة

واهة تانية تتحرك

يا ناس أيامنا محسوبة

سيبوها تعدى وسيبونا

نعيش بالحب لا نكره

ضحك الوشوش مغشوش

أعز أحبابنا من بره

وإيه جوه ما نعرف

نعيب في زمنا ونلومه

ولوم جوانا ما يطلع

ونتحمل كتير منهم

ولا يدروا ولا يحسوا

وهو العيب في مين غيرهم

بكل قوة بيكابروا

وبيخطوا على اعتابي

وبيدقوا على بابي

وياخدوا سؤالهم

ولا ارده

وبدعي في ليلى

وأنا وحدي

يا رب الكون

يا رب اهدي

وأنا وحدى وبتفرج

كأني غريب عايش وحدى

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى