وبنفس الألم عايشين
وبنفس الدموع يا عين
وبندور على روحنا
وروحنا فين
وادي الدنيا
ال تعبانه
نقول راحه
ترد منين
مفيش فيها
غير دمعه وكلمه
وجرح متفقين
يبكوا العين
نحاول نبتسم يمكن
نشوف ضحكه
نلاقي ضحكها سكاكين
وآه يا عين
ويا قلبي آهاتك فين
راحت برده
مع التايهين
ويا حلم الهوى
المسكين
أقابلك فين
في أيام كلها باكيين
وسكة طويلة لا تنفع
تكون حتى طريق
عاشقين
وآهة وجرح جوانا
ونشكي لمين
وهي قلوب البشر
ناقصين
جراح يا عين
خرجت أشوف وشوش
تانيه وادي الدنيا
شبه بعض
الوشوش باهتين
مفيش حاجه
بتستاهل
ولا عالم ولا جاهل
بقت كل القلوب
شايله وبندور
علي روحها
في ناس تانين
