الحضانة .. والمدرسة
لسه ياما محتاجين تغيير
التعليم مش قراءة وكتابة
ومواد ملهاش لازمه كتير
حببوا أولادنا م البداية
فى أعمال الخــيـر
إزرعو فيهم حُب البلد
حُب العروبة مش التزوير
علِّموهم النخوه والشهامة
بدل الرقص ف سن صغير
رضّعوهم م البدايه السماحه
وخطورة الجهل والتقصير
علموهم إن الزرعة الخايبه
تضر النفس بشكل خطير
والزرعة الصالحه حصادها
هزيمة …… لكل أجير
علموا البنات العفه والطهاره
وإن العري فُجر كبير
وعلموا الولاد الشرف والفضيلة
لو ناويين للبلد دي الخير
