أدب وثقافة

كُنافَة.. قَطايف!! (الشاعر فهمي علي- مصر)

لمَّا حَبيبي عَرفت الحَقايق.

وشُوفتَك مِفَرفِش بتضحَك ورايق
حِلفت إنِّي أجيبلَك كُنافة وقَطايف
واخلِّيك عليهُم مِسَيْطَر وسايِق
أسيبَك تِغنِّي وتُرقُص وهايِص
ويبقىٰ الِّلي ضايقَك مِقَريِف ولايص
وغَرقان فِ غيظُه وسِحرَك يغيظُه
ويفقِد عزيزُه فِ دنيا الهَجايص
لأنَّك حَبيبي بِتفهَم وذُوق
وعينَك بِتِطرَح مشاعِر وشُوق
وطيب وهادي و بتبان لي راضي
باحبَّك دا عادي ومُش ناوي افوق
فيَالَّا تعالىٰ.. نِفَرفِش… نِعيش
ولو شِيء ضَايِقنا نقول لأ مَفيش

تكون لَحظة حِلوَة ومَرسُومَة غِنوَة
نِعيشها بِقوة ولا تِنتِهيش!!

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى