إياكوا تِنسِـــوا إنْ انا شاعر،
وياما هيّجتْ مشـــاعر ……..
تقولوا «ليلى» مَانِي فاكـر،
أو حتَّى «بوسي» مـش نَاكر
بيقولوا فعلاً.. واد فاجــــرْ
ضحاياك كتير، تِمْلا دفاتر،
****
لكن يا ولَدي مــــش قادِرْ
على هجْر وَطني وأغادرْ
إزّاي يا إبني هـقول ثايرْ
ودَمّي عُمره ما كان فايرْ
****
بَسْ النهاردة، أنا دَاير
ف كل بيت، ليَّا أشَاير
***
يا شَعب بلدي، يا عشَاير
يا واد يا مينا مع شــاكرْ
الهمَّة يا شَعب نعافـِــــرْ
لجْل الرَّخا يفضَل سـاترْ
وزرْعِنا ما يكون باير !!
———————–
الهِمَّة يَا شَعْب نعِافِــر
(كلمات: دكتور/ محمود عبدالكريم عزالدين)
