أدب وثقافة

 يا رب عدِّلها (بقلم: الشاعر فهمي علي- مصر)

بييجي الصبح أحيانا

و انا نايم… مفيش تركيز

يجوز ع الباب كتير خبط

و انا فكرته حد عزيز

و حيث دماغي خربانة

مفيش فيها امل معروف

و حيث الليل بقى يطول

و طارح فينا الفين خوف

أنا بردو باقول جايز

و جايز بردو ممكن لأ

ما انا و الله ما شوفته

و عهد الله باقول الحق

فلو يا صاحبي يوم قابلك

و عدا صدفة ف طريقك

ساعتها اوصف له عنواني

و قول  له ان انا صديقك

و من دي اللحظة هاستني

بجملة عمر عدا و راح

ما بين صدمة و بين قسوة

و بين عديها يا ابني سماح

يا سيدنا الصبح مخاصمني بقاله سنين

و آخر مرة و ان عيل قابلني و راح

بقيت ناسي ملامح وشه كالمجانين

بقى طعم الوجع يعني ما يفرقشي

و قولة لأ شي عادي ما يتعبشي

وأحلام الصبا ضاعت

و انا ساكت ما بانطقشي

فيعني ادعولي و ادعيلكم

نقول يا رب عدلها

دي أيام  الوجع زادت

فقولو يا رب بدلها

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى