سايبني لمين
سايبني وحيد
بقلب حزين
سايبني مابين
بشر ضايعين
قلوب تايهه
بعيون شايفين
طب أبكي لمين
وافضفض وتحكي
للايمين..
ما أنا بعدك
مليش بعدك
غير الذكرى
ودموع العين
حاولت يا ابويه
أتغير واصاحب
حد واتحرر
من السجن
الـ فيه نفسي
واصاحب مين
اخويا همومه
بتزود دموع
العين..
وأشوف غيره
واقول يمكن
يجود زمني
وأشوف خيره
ما أقابل غير
وشوش خاينين
مفيش حنيّه
من بعدك
في بني آدمين
سايبني لمين
عرفت الدنيا
وأيامها..
وعشت سنين
لكن حاسس
بطول عمري
جراح وأنين
سلام يابا
على الدنيا
وعلى ناسها
يا منها نكون
سالمين
ويا رب العباد
عني أكمل فيها
أيامي وأداري
دمع مالي العين
وانا راضي
وبتمني في يوم
ما أقابل
أحبابي
أسيب الحزن
علي بابي
وأشوف الفرح
وسعادتي
مع الغاليين
وترحمني
يارب
يا أرحم
الراحمين
