وتسألنى أكون أنا مين
ومش لاقية الجواب ضايع
ما
بين روحى وبين قلبى ودمع العين
أقول أنا مين
أنا الدمعة بتداري ما بين حرفين
وأنا البسمة الى بتدمع فى نن العين
أنا الجنة الى تتمناها تدخلها
تقابل فيها قلب حزين
أنا الماضى وأنا الحاضر
وأنا بكرة اللي مستنى يزيد ألمين
مفيش فرحة ف أيامى تدوم ساعتين
وتسألنى؛ بلاش تسأل كفاية كلامي كله حنين..أحن لماضى يوجعنى وأجى أبكى بتتكبر دموع العين
تقول عنى أنا غالية وأنا عارفة طريقى منين
ما بين كل القلوب قلبى عاشق روحه
وأجيبه منين. حبيب الكل وحبيبى
يا نور العين . يا طه والفؤاد عاشق
وبتجلى وأضيع فى الذكر يا حبيبى
يا ريت تقبلنى م العاشقين
وأقول أنا مين
أنا روح بس مش روحى
ونبض كيانى وجروحى
حبيب غايب لكن حاضر
بيملا كيانى بوجوده
مفيش حاجة بتنقصنى
ما دام جوايا يحرسنى
سيد العاشقين
حبيب الكل وحبيبى
نصيبى عشقه م الدنيا
وم العالمين
