أقلام القراء

حزين    (بقلم: أشرف نور الدين- مصر)

حزين حزن السنين

وبدموعي بكتب ع الورق

أكيد غضب من ربنا

لما الإيمان منا إتسرق

من شاف ياناس قبلنا

إنهيار .. قطر .. وغرق

هاتولى تفسير

من غير تبرير

ونفاق .. ومجاملة حد كبير

ولا اتهامات

ملهاش في قاموسنا دليل

فيه خراب ..  وفراق

ودماء بـ تسيل

لأخويا .. وأخوك

وأبويا .. وأبوك

في يوم حزين

ما طلع له شروق !!

سرقوا فيه فرحة بهية

ويومها الأبيض قوي

كساه السواد

وفي شهر جبر الخواطر

كل بيت بقا فيه حداد

ياسنين كئيبة كفى

لقمة العيش جلاد

واحنا بشر مش حجر

ليه سايقه العناد

والحلم نشوف غير البكا

في قلوب العباد !!

أشرف نور الدين- مصر

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى