أدب وثقافة

منصورة ف ليلك ونهارك    (الشاعرة ولاء حجازي- مصر)

واكتب يا تاريخ يلّا ورانا

العالم كله أهو اتفرّج

موكب وملوك أقوى حضارة

ع الأرض الطاهرة بتتحرك

عظمة على عظمة يا أجدادنا

وتعيشي يا مصر بأبطالك

وتاريخك نحكيه لاولادنا

منصورة ف ليلك ونهارك

طب شفتوا جمال كده بالذمة

موكب وملوك ملكات ياما

واناقة وشياااااكة وهمة

تهنا ف جمالهم آه يانا

طب شفتوا الفرقة وحلاوتها

والبنت جميلة ف  غنوتها

والصوت المصري بأصالته

يا شموخها وجمال عظمتها

 ده بصوتها الجبار  بتنادي

للعالم وتقول  انا حرة

مرفوع اسمك يا بلادي

و تاريخنا أهو شاهد بالمرة

و شعوب العالم لينا تيجي

والكل يتابع ف المشهد

ويجينا  ويزورنا  تملى

وآثار أجدادنا اكيد تشهد

يعرفوا إننا أقوى حضارة

وتعبنا  قوي فيها بجدارة

وكفاحنا وإيمانا سلاحنا

على مر عصورنا الجبارة

ورايتنا هتفضل مرفوعة

وأصواتنا دايما مسموعة

حضارتنا و تاريخنا الغالي

ووطنا ده  نوارة القارة

ما هي مصر دايما ولادة

والخير  قوي فيها بزيادة

من علم وعلما واطباااااء

والفن الراقي هنا يا سادة

وأهي مصر بتفرح وهتفرح

واللي بيغير ده ملوش مطرح

يمشي و يسيبنا بقى في حالنا

علشان نفسنا فعلا نفرح

 

 

 

 

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى