أقلام القراء

مش كله على كيفك؟!! (كلمات: سلوى عويس- مصر)

أنا رافضة…

و بشدة..

نرجع….!!!

و إيه مشاك!؟

ما أنا كنت كلي معاك!

من أول السكة..

فجأة اختفيت بشكل

دخل في قلبي الشك

والحيرة والكسرة

بعدت في لحظة!!!..

 كان قبلها بلحظة

قلوبنا متقابلين!!

وعيونا متعانقين!!

ضحكت م الصدمة

واتولدت الحيرة

غضبانة مش غيرة

وأسئلة كتيرة

عن ليه؟؟؟!

وإيه الأسباب!!!

وليه طرقت الباب

وجريت…!! إيه الفكرة!!؟

صرخت ملو الصوت

ليه عني اتخليت

هدمت فجأة البيت

عيشتني الخذلان

ولسه مش فاهمة!

مش كله على كيفك!!

تقرب على كيفك!

تطبطب على كيفك!

و تبعتلى آل طيفك!

ولما أجري عليه

مالأش غير زيفك

 مش كله على كيفك!!!!

أنا دنيتي جنة

مافهاش مكان لشيطان

يوعد و يتخلى

فرصة وحيدة أكيد

مش صالحة للتجديد

أنا رافضة…

وبشدة!!

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى