مواقع التواصل

جوا مني كتير حاجات!! (كلمات: سلوى عويس- مصر)

جوا مني… كتير بنات

بنت فيها الحزن كامن…

مهما تضحك بالساعات

بنت فيها إزاز مكسر…

من مشاعر و حكايات

م الكلام جواها ثورة..

 بس ثورتها سُكات..

الألم يجرى في عروقها

  تصنع بإديها حاجات

الجفا يقتل أملها..

 يحْيـي جواها الثبات

طز في الدنيا الدنية

 طز في كل اللي فات

هى عايشة بعيـــد

 في جنة فاصلة

من كل الحاجات

جوا مني..

بنت عايشة

عايشة حلم… و ذكريات

أمنية من المراهقة

تهوى زي كل البنات

فارس الحب و حصانه

تاه في وسط الدوامات

انتظرته سنين طويلة

هو جاي… و لا فات!

 و بنت.. جوا منها…

قلب شاعر…

 بس تايه.. في الآهات

 نبض جارف..في روايات

لف في الدنيا مالأش

قلب زيه…

 يفهمه..

يقدره..

 يضم جواه البنات

جوا منى كتير حاجات.

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى