كله نصيب !! (الشاعر فهمي علي- مصر)

برغم التُّوهة فِ الزحمة

وسكة الشُّوك طرح فيها

فَمَقفولة ومش سَالكة

وضلمة ساكنة فِ عنيها

ورغم حاجات بتِوْجعنا

ودايسَة تملِّي فِ قلوبنا

ورغم دموع على خدُودنا

بتحكي الحِيرة فِ دروبنا

بِسَتر جميل من المولي

ورحمة فِ الحياة عايشين

وسترُه للعيوب فِينا

وغفرانُه وحَبل مَتين

خَطاوي كتير بنِمشيها

قليل بتصيب ويامَا تخيب

عشان نفهَم قوانينها

ونؤمِن إنُّه كلُّه نَصيب