أقلام القراء

ساعات.. وساعات!! (كلمات: سلوى عويس- مصر)

الصمت.. مش يعني.. بعاد
والضحك.. مش معناه.. فرح

ساعات دموع.. بتكون فرج
وساعات ضجيج.. بيكون مرح

و أوقات لأ.. بألف آه
و أوقات آه.. مش م الوجع

مش كل موت.. بيكون حداد
أوقات يكون.. لحظة ميلاد

ومش كل مولود.. أمنية
في مواليد عار واتجلب

ومش كل ميل.. بيكون عوج
وفي استقامة.. مافيهاش نفع

وساعات اللا شيء.. ده كل شيء
و ساعات الصبر.. بيتفزع

النار بتكون.. تحت الرماد
وبعد الهدوء.. بييجي الهلع

وأوقات جفا.. بيكون فرار
وساعات لقا.. بيكون قرار

وسكوت بيكون.. جواه كلام
وكلام ساعات.. ما بيتسمع !!

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى